Tallison “Neftçi”yə gəlir: “Daha sərfəli şərtlər təklif edildi”

Braziliyanın “Quarani” klubunun baş meneceri Miçel Alveş, Tallison Auqustonun “Neftçi”yə transfer olunacağını açıqlayıb.

Komanda.az “correio.rac.com.br” saytına istinadən xəbər verir ki, Alveş, Tallisonun “Neftçi” ilə üç illik müqavilə imzalayacağını deyib:

“Tallisona Azərbaycandan – “Neftçi”dən yaxşı təklif gəldi. Ona üç illik müqavilə və daha sərfəli şərtlər təklif edildi. Bu, rəddedilməz idi və “Quarani” rəqabət apara bilmədi. Tallison mənə zəng edib, təşəkkür etdi və “yox” deyə bilmədiyini dedi”.

“Neftçi” 29 yaşlı braziliyalı müdafiəçiylə razılıq əldə edib və onunla üç illik müqavilə imzalayacaq. “Ağ-qaralar” Tallisonu komandadan ayrılan Donald Geryeyə əvəzləyici kimi düşünür.

Tallison “Quarani”dən əvvəl Braziliyada “Flamenqo”, “Seara”, “Vitoria”, Belçikada isə “Sent-Truden” kimi klubların şərəfini qoruyub.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button