Azərbaycan millisi “Zəfər Kuboku”nda çempion olub

Yeniyetmə yunan-Roma güləşçiləri arasında Türkiyənin Antalya şəhərində keçirilən “Zəfər Kuboku”nda Azərbaycanın U-17 millisi komanda hesabında çempion olub.

Azərbaycan Güləş Federasiyasından (AGF) Komanda.az-a verilən məlumata görə, sözügedən yarışda 4 qızıl, 1 gümüş, 4 bürünc medal qazanan yığma 173 xal toplayıb.

Böyük məşqçi Taleh İsrafilov, məşqçilər Nazim Əhmədovla Elvin Mürsəliyevin rəhbərliyi altında Turan Daşdəmirov (45 kq), Əli Seyidəlili (51 kq), Ayxan Cavadov (55 kq) və Elmin Əliyev (80 kq) çempion olublar. Nurlan İbadzadə (60 kq) ikinci, Elnar Ziyadov (48 kq), Roman Kərimov (60 kq), Cavidan Nehmətov (71 kq) və Mikayıl İsmayılov (92 kq) üçüncü yeri tutublar.

Qadın güləşində böyük məşqçi Həsrət Məmmədyarovla məşqçi Solmaz Adilovanın rəhbərliyi altında 3 medal əldə edilib. Günay Qurbanova (61 kq) qızıl, Səadət Quliyeva (43 kq) və Esra Məmmədli (49 kq) bürünc medal qazanıblar. Yığma 63 xalla 3-cü yeri tutub.

Beləliklə, Azərbaycan güləşçiləri turnirdə ümumilikdə 12 (5 qızıl, 1 gümüş, 6 bürünc) medala yiyələniblər. Yarışda Azərbaycanı hakim qismində beynəlxalq dərəcəli referi Xəzər Allahverdiyev təmsil edib.

Bizi Telegramda izləyin

Bizi Facebook-da izləyin

Əlaqəli yazılar

Back to top button