Azərbaycan yığmasında 3 itki

Futbol üzrə Azərbaycan milli komandası ciddi itkilərlə üzləşib.

Komanda.az xəbər verir ki, yığmamızın üç futbolçusu AÇ-2020-nin seçmə mərhələsinin növbəti oyununu buraxacaq.

Bunlar milliləşən legionerlər Anton Krivotsyukla Dmitri Nazarov, həmçinin kapitan Maksim Medvedevdi.

Onlar E qrupunun 6-cı turu çərçivəsində keçirilən Xorvatiya ilə ev görüşündə sarı vərəqə aldıqları üçün bu durumla üzləşiblər. “Üçlük” seçmə mərhələdə 3-cü dəfə xəbərdarlıqla cəzalanıb.

Bunadək Krivotsyuk Slovakiya ilə ev, Uelslə səfər, Medvedev Xorvatiya ilə səfər, Macarıstanla ev, Nazarov isə Macarıstanla ev, Uelslə səfər görüşlərində cəzalanmışdı.

Bu üç oyunçu oktyabrın 13-də Macarıstana qarşı keçiriləcək matçı buraxacaq.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button