“Atletiko” meksikalı futbolçunun keçidi ilə bağlı razılıq əldə edib

ABŞ-ın “Sietl Saunders” klubunun yarımmüdafiəçisi Obed Varqas karyerasını İspaniyada davam etdirəcək.

Komanda.az xarici KİV-ə istinadən xəbər verir ki, “Atletiko” 20 yaşlı futbolçunun transferi ilə bağlı razılıq əldə edib.

Varqas yaxın 24 saat ərzində Madrid klubu ilə rəsmi müqavilə imzalayacaq. Bununla belə, “Atletiko”da hələlik yekun qərar verilməyib: futbolçu dərhal əsas komandada saxlanılacaq, yoxsa, yenidən “Sietl Saunders”ə icarəyə göndəriləcək.

Meksikalı yarımmüdafiəçi 2025-ci ildə bütün turnirlər üzrə 41 oyunda meydana çıxıb, 6 qol vurub və 2 məhsuldar ötürmə verib.