“Arsenal” çempion olmasa, bu, daha çox sual doğuracaq”

İngiltərə millisinin sabiq hücumçusu Piter Krauç “Arsenal”ın bu mövsüm Premyer Liqada qalib gəlmək şanslarından danışıb.

Komanda.az xarici KİV-ə istinadən xəbər verir ki, o, bunu deyib:

“Tənqidçilərin tənqid səbəbi Mikel Artetanın liqanın ən yaxşı heyətinə, yaxşı oyunçular qrupuna sahib olması, uzun müddətdir ki, baş məşqçi vəzifəsində çalışması, lakin əvvəlki mövsümlərdə uğursuz olmasıdır.

Düşünmürəm ki, hazırda liqada həqiqətən yüksək səviyyəli rəqiblər var. “Mançester Siti” əvvəlki komanda deyil. “Liverpul” da deyil. “Mançester Yunayted” də əvvəlki kimi deyil. “Çelsi” də deyil. Turnir cədvəlinin başında keyfiyyət çatışmazlığı var. Son bir neçə ildə standart çox yüksək olub və düşünürəm ki, “Arsenal”ın indi liqada qalib gəlmək üçün real şansı var. Onlar öz vəzifələrini yerinə yetirə bilməsələr, bu, daha çox sual doğuracaq”.