Fransa millisində itki – Azərbaycanla oyunu buraxacaq

Bu gün Avropa çempionatının seçmə mərhələsi çərçivəsində 21 yaşadək futbolçulardan ibarət Azərbaycan millisinin qonağı olacaq Fransa yığması ciddi itki ilə üzləşib.

Komanda.az Fransa mətbuatına istinadən xəbər verir ki, Fransa U-21-in yarımmüdafiəçisi Jeff Ren-Adelayd bu oyunda iştirak edə bilməyəcək. “Lion”un futbolçusu Gürcüstanla oyunun (2:0) ilk hissəsində sağ ayaq əzələsindən zədələnib. O, zədəli olmasına baxmayaraq, milli ilə birlikdə Azərbaycana gəlib.

Azərbaycan U-21 – Fransa U-21 oyunu bu gün, saat 21:00-da keçiriləcək.