“Çelsi”nin futbolçusu 1 aylıq sıradan çıxdı

İngiltərə kubokunun finalında “Arsenal”la oyunda (1:2) zədələnən “Çelsi”nin futbolçusu Pedro Rodriqesin vəziyyəti müəyyənləşib.

Komanda.az xəbər verir ki, çiynindən zədələnən futbolçu əməliyyat olunub. 33 yaşlı futbolçunun azı 1 ay yaşıl meydanlardan kənarda qalacağı bildirilir.

London klubu ilə müqaviləsi bu ayın sonunda başa çatacaq Pedronun “Roma”ya keçəcəyi gözlənilir.