“O, futbolçu olaraq bura aiddir” – Zidan

İspaniya La Liqasının 31-ci turu çərçivəsində “Malyorka”ya 2:0 hesabıyla qalib gələn “Real”ın baş məşqçisi Zinəddin Zidan açıqlama verib.

Komanda.az klubun rəsmi saytına istinadən xəbər verir ki, fransalı mütəxəssis, oyunla və kapitan Serxio Ramosla bağlı fikirlərini bölüşüb:

“Daha yaxşısını edə bilərdik, amma gördüyüm oyundan məmnunam və bu futbolçuların etdiyi heç də asan deyil. Müdafiəmiz sağlamdır, lakin hücumda daha yaxşı ola bilərik, bunun üzərində çalışacağıq.

Ramos bizim kapitanımız, liderimizdir. O, futbolçu olaraq bura aiddir. Uzun illərdir komandamızdadır və karyerasını da burda bitirməlidir. Mən belə düşünürəm və onun yanında olacam”.