“Almaniyanın ən yaxşı komandası olduğumuzu göstərdik” – Levandovski

Almaniya Bundesliqasının 32-ci turunda “Verder”ə qalib gələrək, çempionluğunu rəsmiləşdirən “Bavariya”nın futbolçusu Robert Levandovski açıqlama verib.

Komanda.az xəbər verir ki, oyunda yeganə qolun müəllifi olan polşalı futbolçu, çempionluqla bağlı bunları deyib:

“Artıq Almaniya çempionuyuq. Bunu azarkeşlərsiz qeyd etmək çətindir. Bizim üçün asan mövsüm olmadı, çempionluq üçün uzun müddət mübarizə apardıq. Ümid edirəm ki, çempionluğu tezliklə stadionumuzda, azarkeşlərlə qeyd edərik.

İlk hissədə “Verder” çox yaxşı oynadı. Amma biz Almaniyanın ən yaxşı komandası olduğumuzu göstərdik”.