“Özümü o qədər pis hiss edirdim ki…” – İnyesta

Hazırda Yaponiyanın “Vissel Kobe” klubunun şərəfini qoruyan Andres İnyesta “Barselona”da çıxış edərkən, depressiya keçirdiyini deyib.

Komanda.az İngiltərə mətbuatına istinadən xəbər verir ki, 35 yaşlı futbolçu, 2009-cu ildə dostu Dani Harkinin ölümündən sonra depressiyaya düşdüyünü bildirib:

“İlk vaxtlar gecənin olmasını gözləyirdim, çünki dərman qəbul edirdim və istirahət edə bilirdim. Özümü o qədər pis hiss edirdim ki, sadəcə istirahət etmək istəyirdim. Çox çətin zamanlar keçirdim, yanımda olan insanlar bunu bilirlər. Amma məşqləri dayandırmadım. Ətrafımdakı insanlar mənə kömək etdi, onların hamısına çox minnətdaram”.