Kuman “Barselona”nın təklifindən niyə imtina edib? – açıqlama

Bir müddət əvvəl “Barselona”nı çalışdıracağı ilə bağlı xəbərlər yayılan Niderland millisinin baş məşqçisi Ronald Kuman açıqlama verib.

Komanda.az xarici mətbuata istinadən xəbər verir ki, 56 yaşlı mütəxəssis, Kataloniya klubundan təklif aldığını açıqlayıb:

“Bir müddət əvvəl mənə “Barselona” klubundan zəng gəldi. Onlar mənə baş məşqçi postunu təklif etdilər. Amma bu, millidən ayrılmaq üçün doğru zaman deyildi”.

Ernesto Valverdenin “Barselona”dan ayrılmasından sonra klubun Kumanla danışıqlar apardığı haqda xəbərlər yayılmışdı. Amma daha sonra katalonlar baş məşqçi postuna Kike Setyeni gətirdiklərini açıqladılar.