“Mançester Yunayted”lə “Mançester Siti” də yarımfinalda

Futbol üzrə İngiltərə Liqa Kubokunda 1/4 final mərhələsinə yekun vurulub.

Komanda.az xəbər verir ki, ilk oyun günündə bir görüş baş tutub.

“Aston Villa” doğma meydanda Premyer Liqanın lideri “Liverpul”la qarşılaşıb. Əsas komandası klublararası dünya çempionatında iştirak etmək üçün Qətərdə olan “Liverpul” bu görüşə gənclərdən ibarət heyətlə çıxıb və 5 cavabsız qolla uduzaraq mübarizəni dayandırıb.

Digər üç qarşılaşma sonuncu oyun gününə təsadüf edib. “Lester Siti” səfərdə “Everton”u, “Mançester Siti” isə “Oksford Yunayted”i məğlub edib. “Mançester Yunayted” də “Kolçester”i darmadağın etməklə yarımfinala yüksəlib.

İngiltərə Liqa Kuboku, 1/4 final

17 dekabr

Aston Villa – Liverpul 5:0

18 dekabr

Everton – Lester Siti 2:3
Oksford Yunayted – Mançester Siti 1:3
Mançester Yunayted – Kolçester 3:0