“Arsenal” Emerinin əvəzinə onu istəyir

İngiltərənin “Arsenal” klubunun baş məşqçisi Unay Emerinin vəzifəsindən göndərilə biləcəyini xəbər vermişdik.

Komanda.az İngiltərə mətbuatına istinadən xəbər verir ki, London klubu ispan mütəxəssisi istefaya göndərəcəyi halda, “Vulverhempton”un baş məşqçisi Nuno Espirito Santo “topçular”ın “sükanı arxasına” keçə bilər. Emerinin işindən narazı olan klub rəhbərliyinin Nunonun xidmətində maraqlı olduğu və baş məşqçiliyə əsas namizəd olduğu bildirilir.

Bundan başqa, “Tottenhem”dən istefaya göndərilən Maurisio Poçettinonun də namizədlər arasında olduğu deyilir.