“Neftçi” Sloveniyada yeni mövsümün hazırlığının ikinci mərhələsinə başladı

“Neftçi” yeni mövsümə hazırlığın ikinci mərhələsinə start verib.

Komanda.az xəbər verir ki, bu barədə “ağ-qaralar”ın mətbuat xidməti məlumat yayıb.

İyunun 29-da Bakıdan Sloveniyaya yollanan komanda bu gün Moravske Toplitse şəhərində səhər məşqinə çıxıb. Təlim-məşq toplanışı axşam məşqi ilə davam edəcək.

Sabah da baş məşqçi Yuri Vernidubun rəhbərliyi altında iki dəfə hazırlıq keçəcək “ağ-qaralar” iyulun 2-də ilk yoxlama oyununa çıxacaq.

“Neftçi”nin Sloveniya toplanışı iyulun 14-dək davam edəcək.