“Sabah”ın UEFA Konfrans Liqasının 2-ci mərhələsindəki potensial rəqibləri bilindi

“Sabah”ın UEFA Konfrans Liqasının 2-ci təsnifat mərhələsindəki potensial rəqibləri bəlli olub.

Komanda.az xəbər verir ki, bu, UEFA-nın İsveçrənin Nyon şəhərindəki mənzil-qərargahında təşkil olunan püşkatma mərasimində dəqiqləşib.

Azərbaycan təmsilçisi UEFA Çempionlar Liqasının 1-ci təsnifat mərhələsində TNS (Uels) komandasına uduzsa, “Flora” (Tallin, Estoniya) – “İberiya” (Gürcüstan) duelinin məğlubu ilə görüşəcək.

UEFA Konfrans Liqasının 2026/2027 mövsümünün 2-ci təsnifat mərhələsinin matçları iyulun 23-də və 30-da keçiriləcək.