De Yonq “Barselona”nın sayılmayan qolu haqda: “Bu, qalmaqaldır”

“Barselona”nın yarımmüdafiəçisi Frenki de Yonq “Atletiko” ilə kubok matçında (0:4) komandasının sayılmayan qoluna münasibət bildirib.

Komanda.az xarici KİV-ə istinadən xəbər verir ki, o, bunu deyib:

“Gördüyüm çəkilmiş ofsayd xəttinin görüntüsü budursa və süni intellekt deyilsə, deməli, bu, sadəcə qalmaqaldır, çünki bu, çox açıq-aydın görünürdü”.

“Barselona” matçın ilk hissəsində 4 cavabsız qol buraxıb. Komanda ikinci hissənin əvvəlində isə “Atletiko”ya qol vurub, lakin hakimlər uzun araşdırmadan sonra qolu ofsayd səbəbindən saymayıblar.