“Beşiktaş” meksikalı futbolçu üçün danışıqları dayandırıb

Moskva “Lokomotiv”inin müdafiəçisi Çesar Montes “Beşiktaş”a transfer olunmayacaq.

Komanda.az “Championat”-a istinadən xəbər verir, İstanbul klubu meksikalı futbolçunun keçidi üzrə danışıqlardan çıxmaq qərarı qəbul edib.

Montes 2024-cü ilin payızından “Lokomotiv”də çıxış edir. O, cari mövsümün ilk yarısında 19 oyunda meydana çıxıb, 1 qol vurub və 1 məhsuldar ötürmə verib. Onun komandası hazırda 18 turdan sonra 37 xalla Rusiya Premyer Liqasında turnir cədvəlinin 3-cü pilləsində qərarlaşıb.