“Hamı bizi gözləyir və bizə xal itkisi yaşatmaq istəyir” – Klopp

“Liverpul”un baş məşqçisi Yurgen Klopp Premyer Liqanın 6-cı turunda “Çelsi”ni məğlub etdikləri oyundan sonra fikirlərini bildirib.

Komanda.az İngiltərə mətbuatına istinadən xəbər verir ki, alman mütəxəssis, 2:1 hesabıyla qələbə qazandıqları oyunu belə şərh edib:

“İlk hissədə imkan düşdü və iki möhtəşəm qol vurduq. Üç xala layiq olduğumuzu düşünürəm. Burda – “Stemford Bric”də qazanmaq asan deyil.

Mövsümə 6-da 6 ilə başladıq, ancaq hələ heç nə qazanmamışıq. Hər rəqibə qarşı hazır olmalıyıq. Hamı bizi gözləyir və bizə xal itkisi yaşatmaq istəyir. Qazanmağa davam etməliyik”.

Klopp, “Mançester Siti”nin “Uotford”u 8:0 hesabıyla məğlub etməsi haqda da danışıb:

“Uotford” üçün çətin gün idi. “Mançester Siti”nin etdikləri göründüyü qədər asan deyil. Möhtəşəm oynadılar. Biz hələ belə oyunlar oynaya bilmirik. Bunun üçün çox çalışmalıyıq”.