Baş məşqçi Vlahoviçin dönüş tarixini açıqladı

“Yuventus”un baş məşqçisi Luçano Spaletti komandanın hücumçusu Duşan Vlahoviçin bərpa müddəti barədə danışıb.

Serbiyalı forvard A Seriyasının 13-cü turunda “Kalyari” ilə oyuna (2:1) start heyətində çıxsa da, zədələndiyi üçün matçın 31-ci dəqiqəsində meydanı tərk etməli olmuşdu.

Komanda.az xarici KİV-ə istinadən xəbər verir ki, italiyalı çalışdırıcı Vlahoviçin dönüş tarixi ilə bağlı bunları deyib:

“Vlahoviçin bərpa müddəti? Düşünürəm ki, o, iki-üç aya qayıdacaq. Amma dəqiq məlumatı həkimlər daha sonra verəcək”.

25 yaşlı futbolçu bu mövsüm bütün turnirlərdə 17 matçda iştirak edib, 6 qol vurub və 2 məhsuldar ötürmə verib.