Konte “Qarabağ”ı Çempionlar Liqasının sürpriz komandası adlandırdı

“Napoli”nin baş məşqçisi Antoni Konte A Seriyasının 12-ci turunda “Atalanta” ilə oyun (3:1) haqda danışıb.

Komanda.az “Football Italia”-ya istinadən xəbər verir ki, italiyalı mütəxəssis Çempionlar Liqasının 5-ci turunda “Qarabağ”a qarşı keçiriləcək oyundan gözləntilərini də bölüşüb:

“İndi bizi bu mövsüm Çempionlar Liqasının sürpriz komandası olan “Qarabağ”la oyun gözləyir. Özümüzə gəlməli və yeni bir çətinliyə hazırlaşmalıyıq”.

“Atalanta” üzərində qələbə qazanan “Napoli” turnir cədvəlinin zirvəsinə qayıdıb.

“Napoli” – “Qarabağ” matçı noyabrın 26-da Dieqo Armando Maradona stadionunda keçiriləcək və saat 00:00-da start götürəcək.