“Heç vaxt düşünməzdim ki, Konte kimi bir adamın komandası belə görünə bilər”

“Milan”ın sabiq baş məşqçisi Fabio Kapello “Qarabağ”ın Çempionlar Liqasında rəqiblərindən olan “Napoli”nin PSV-yə 2:6 hesablı məğlubiyyəti ilə bağlı fikirlərini bölüşüb.

Komanda.az “Football Italia”-ya istinadən xəbər verir ki, o, Neapol klubunun ruhsuz oynadığını söyləyib:

“Napoli” bu oyunda ruhsuz oynadı. Heç vaxt düşünməzdim ki, Antonio Konte kimi qətiyyətli və nüfuzlu bir adamın çalışdırdığı komanda belə görünə bilər”.

“Napoli” Çempionlar Liqasında üç oyundan sonra turnir cədvəlinin 22-ci pilləsində qərarlaşıb. Komanda şənbə günü A Seriyasında “İnter”i qəbul edəcək.