“Qarabağ”ın rəqibi Van Dayka əvəzləyici tapıb

Dortmund “Borussiya”sının müdafiəçisi Niko Şlotterbek “Liverpul” tərəfindən izlənilir.

Komanda.az “Bild”-ə istinadən xəbər verir ki, 25 yaşlı futbolçu uzunmüddətli perspektivdə Vircil van Daykın yerini doldurmaq üçün potensial namizəddir. Niderlandlı müdafiəçinin “qırmızılar”la müqaviləsinin müddəti 2027-ci ilə qədərdir.

“Liverpul” hətta qış transfer pəncərəsi üçün Şlotterbeklə maraqlanıb, xüsusilə də, Covani Leoninin zədələnməsindən sonra, ancaq “Borussiya” buna razılıq verməyib.

Dortmund təmsilçisi almaniyalı müdafiəçiyə 2027-ci ilə kimi olan müqaviləsinin müddətini 2030-cu ilə qədər uzatmağı təklif edib. Şlotterbek isə hələ razılaşmayıb. O, gələcəkdə titul uğrunda mübarizə aparacağına əmin olmaq və maliyyə şərtlərinin yaxşılaşdırılmasını istəyir.

“Liverpul” “Qarabağ”ın UEFA Çempionlar Liqasındakı rəqiblərindən biridir.