İddia: Azərbaycan millisi baqajı itdiyi üçün məşqə çıxa bilməyib

Azərbaycan milli komandasının baqajı DÇ-2026-nın seçmə mərhələsində Ukrayna ilə qarşılaşma üçün səfər zamanı itib.

Komanda.az xəbər verir ki, bu barədə polşalı jurnalist Pyotr Slonka məlumat yayıb.

Məlumata görə, Ayxan Abbasovun rəhbərlik etdiyi komanda Polşanın Krakov şəhərinə baqajsız çatıb. Bu səbəbdən, komanda vaxtında məşq prosesinə başlaya bilməyib.

Azərbaycan millisi seçmə mərhələdə növbəti oyununu oktyabrın 13-də Ukraynaya qarşı keçirəcək.