Yamalın atası: “Gələn il bizimdir”

“Barselona”nın cinah oyunçusu Lamin Yamalın atası Munir Nasrui 2025-ci ildə “qızıl top” üçün səsvermədə oğlunun PSJ-nin hücumçusu Osman Dembeleyə məğlub olaraq ikinci yeri tutmasına münasibət bildirib.

Komanda.az xarici KİV-ə istinadən xəbər verir ki, o, oğlunun gələcək uğurlarına əmin olduğunu deyib:

“Gələn il bizimdir”.

Yamal bu mövsüm 3 oyun keçirib, 2 qol vurub və 3 məhsuldar ötürmə edib. 18 yaşlı futbolçu hazırda İspaniya millisində oynayarkən aldığı zədəni sağaldır.