“Arsenal”ın hədəfindədir – PSJ-nin futbolçusu

PSJ-nin vingeri Bredli Barkola karyerasını İngiltərə Premyer Liqasının top-klublarından birində davam etdirə bilər.

Komanda.az “Ekip”-ə istinadən xəbər verir ki, 22 yaşlı futbolçuya “Arsenal” ciddi şəkildə maraq göstərir.

Daha öncə Barkola ilə “Bayern” və “Liverpul” klublarının da maraqlandığı bildirilirdi.

Fransalı futbolçu 2024/25 mövsümündə PSJ ilə 60 oyunda iştirak edib, 21 qol vurub və 20 məhsuldar ötürmə ilə yadda qalıb. Onun bazar dəyəri 70 milyon avro qiymətləndirilir və hazırkı müqaviləsinin müddəti 2028-ci ilin ortalarına kimidir.