Rusların azərbaycanlısı həvəskar komandada FOTO

Bir müddət əvvəl karyerasını bitirdiyini açıqlayan Aleksandr Səmədov Rusiyada həvəskar komandada çıxış edəcək.

Komanda.az xəbər verir ki, yarımmüdafiəçi “Znamya” klubunun uğurları üçün çalışacaq. Bu barədə klubun “instagram” hesabı məlumat yayıb. Səmədov, oktyabrda bitəcək həvəskarlar liqasının sonuna qədər “Znamya”da forma geyinəcək.

Yarımmüdafiəçi sentyabr 7-də “Vityaz” klubuna qarşı keçiriləcək oyunda “Znamya” forması ilə debüt edəcək.

Moskva “Spartak”ının yetirməsi olan Səmədov “Lokomotiv”, “Dinamo”, “Krılya Sovetov” klublarında çıxış edib. O, Rusiya millisi ilə 53 matçda oynayıb və 7 qol vurub.