“Lüğətdə dəliliyi təsvir etmək lazım olsa, bu oyun öz işini görəcəkdi”

“Mançester Yunayted”in müdafiəçisi Harri Maquayr Avropa Liqasının 1/4 final mərhələsinin “Lion”la cavab oyunundan (5:4, ümumi hesab 7:6) sonra emosiyalarını bölüşüb.

Komanda.az UEFA-nın rəsmi saytına istinadən xəbər verir ki, o, bunu deyib:

“Lüğətdə dəliliyi təsvir etmək lazım olsa, bu oyun öz işini görəcəkdi. Bu, çılğın bir oyun idi və belə bir nəticə əldə etmək inanılmazdır. Lakin buna baxmayaraq, bir çox azarkeşimiz üçün gözəl xatirələr buraxdıq. Onları sevindirdik, haqqında danışacaqları çox şey verdik. Azarkeşlərin bizimlə olması çox vacib idi. Əlavə vaxtda 2:4 hesabı ilə uduzduğumuz zaman bizə qarşı çıxa bilərdilər, amma onlar bizimlə qaldılar. Üçüncü qolu vurduq və hamı yenə bizə inandı. Bu, inanılmaz oyun idi və mən çox şadam ki, azarkeşlər üzlərində böyük təbəssümlə və dostlarını görəndə danışacaqları çoxlu xatirələrlə evə gedə bildilər”.

Oyunda qələbə qolunu Maquayr vurub.