ÇL: “Turnir başa çatanda 1/4 final oyunlarını heç kim xatırlamayacaq”

“Barselona”nın yarımmüdafiəçisi Qavi komandasının UEFA Çempionlar Liqasının yarımfinalına yüksəlməsindən sonra açıqlama verib.

Dünən Dortmundda “Borussiya” ilə qarşılaşan kataloniyalılar (1:3) məğlub olsalar da, ümumi hesabda qalib gəliblər – 5:3.

Komanda.az xarici KİV-ə istinadən xəbər verir ki, ispaniyalı futbolçu Çempionlar Liqasını qazanmaq üçün çox çalışmaq lazım olduğunu biıdirib:

“Çempionlar Liqasını qazanmaq üçün çox çalışmaq lazımdır. Turnir başa çatanda 1/4 final oyunlarını heç kim xatırlamayacaq”.

“Barselona”nın yarımfinaldakı rəqibi “İnter” – “Bayern” matçının qalibi olacaq. İlk oyunda milanlılar səfərdə qalib gəlib (2:1).