“Azarkeşlər düşünə bilər ki, Ançelotti artıq “Real”a diqqət ayırmır”

Braziliya millisinin və “Barselona”nın sabiq futbolçusu Rivaldo “Real”ın baş məşqçisi Karlo Ançelottinin gələcəyi ilə bağlı danışıb.

Komanda.az AS-a istinadən xəbər verir ki, braziliyalı keçmiş oyunçu, “Real”ın UEFA Çempionlar Liqasından kənarda qalacağı halda, Ançelottinin işinin sona çatma təhlükəsinin yüksək olduğunu bildirib:

“Belə böyük klublarda nəticələrə çox ciddi yanaşırlar. Azarkeşlər düşünə bilər ki, baş məşqçi artıq “Real”a diqqət ayırmır və başqa iş haqqında düşünür”.

“Real” Çempionlar Liqasının 1/4 final mərhələsinin ilk oyununda səfərdə “Arsenal”a 0:3 hesabı ilə uduzub. Cavab oyunu gələn həftə keçiriləcək.