“Neftçi” Futbol Mərkəzində “Futbol sevgisi əngəl tanımır!” şüarı ilə yoldaşlıq oyunu

“Neftçi” PFK-nın əsas komandası və “Neftçi” amputant komandası üzvlərinin iştirakı ilə yoldaşlıq görüşü təşkil olunub.

Komanda.az xəbər verir ki, bu qarşılaşmada əsas komanda üzvlərindən Emil Balayev, ⁠Rəhman Hacıyev, ⁠Rafael Quzzo, ⁠Murad Məmmədov, ⁠Alfa Konte, Rüstəm Samiqullin, ⁠Höccət Haqverdi, Yeqor Boqomolski, ⁠Ağadadaş Salyanski və ⁠Dembo Darbo meydana çıxıblar.

“Neftçi” Futbol Mərkəzində baş tutan oyun “Futbol sevgisi əngəl tanımır!” şüarı altında keçirilib və 3:3 hesabı ilə nəticələnib.

Matçdan sonra kapitan Emil Balayev amputant komandasının kapitanına xatirə hədiyyəsi təqdim edib.

“Neftçi” amputant komandası 2023-cü ildə “Neftçi” İdman Klubu İctimai Birliyinin tərkibində yaradılıb.