“Sumqayıt” – “Sabah” matçı hər iki komanda üçün əlamətdar olub

Azərbaycan kubokunun 1/4 final mərhələsinin “Sumqayıt” – “Sabah” oyunu hər iki komanda üçün əlamətdar olub.

Komanda.az Peşəkar Futbol Liqasının rəsmi saytına istinadən xəbər verir ki, Sumqayıtdakı cavab görüşündə 4:0 hesablı qələbə qazanan Bakı klubu kubokda özünün ən böyükhesablı səfər qalibiyyətini alıb.

Bunadək paytaxt təmsilçisinin səfərdə ən çox fərqlə qalib gəlməsi 2018/2019 mövsümünün “Ağsu” ilə görüşünə təsadüf etmişdi – 3:0.

“Sumqayıt” isə kubokda ən ağır ev məğlubiyyətini alıb. Bunadək iki dəfə üç top fərqi ilə uduzan komanda 2015/2016 mövsümündə 1:4, bir il sonra 2:5 hesabına üzülüb. Hər iki matçda rəqib “Qarabağ” olub.