Azərbaycanlı federasiya rəsmisi “Beşiktaş”ın oyununa təyinat alıb

Azərbaycan Həndbol Federasiyasının (AHF) İdman şöbəsinin müdiri İsgəndər Əsgərov beynəlxalq oyuna təyinat alıb.

AHF-nin mətbuat xidmətindən Komanda.az-a verilən məlumata görə, o, kişi həndbolçular arasında Avropa kubokunun 1/8 final mərhələsinin “Beşiktaş” (Türkiyə) – “Runar Sanderyord” (Norveç) görüşünün deleqatı olacaq.

Oyun fevralın 22-də İstanbulda keçiriləcək.