Azərbaycan millisi Belarusa ikinci oyunda da uduzdu

Belarusun paytaxtı Minskdə təlim-məşq toplanışında olan 19 yaşadək qadın futbolçulardan ibarət Azərbaycan millisi ikinci yoxlama oyununu keçirib.

Komanda.az xəbər verir ki, U-19 növbəti dəfə Belarusun müvafiq yaş qrupundan ibarət komandası ilə qarşılaşıb. Oyun meydan sahiblərinin 2:0 hesablı qələbəsi ilə yekunlaşıb.

Komandalar arasında fevralın 4-də keçirilən ilk görüşdə də Belarus millisi 2:0 hesablı qələbə qazanıb.