“Şəki” yeni rekord müəyyənləşdirib

“Şəki” basketbol klubu ardıcıl 8 qələbə qazanmaqla yeni rekord müəyyənləşdirib.

Komanda.az bölgə təmsilçisinin mətbuat xidmətinə istinadən xəbər verir ki, “Şəki” bununla son 3 mövsümdə heç bir komandanın bacarmadığı nəticəyə imza atıb.

“Şəki” dekabrın 1-də Gəncədə eyniadlı kluba məğlubiyyətdən sonra uduzmayıb. Bu müddətdə keçirilən 8 qarşılaşma şəkililərin qələbəsi ilə başa çatıb.

Bedri Meriçin baş məşqçisi olduğu komanda hazırda A qrupunun lideridir və son ölkə çempionu “Sabah”la yanaşı, cari mövsümdə ən az məğlub olan komandasıdır. Bu, cəmi 2 dəfə baş verib. 2022/23 mövsümündə 2, 2023/2024 mövsümündə cəmi 1 qələbəsi olan “Şəki’ cari mövsümdə artıq 10 qalibiyyətə sevinib.