“Leyptsiq” 80 milyon avroluq transferə hazırlaşır

“Leyptsiq” icarə əsasında aldığı PSJ-nin futbolçusu Xavi Simonsu tam şəkildə transfer etmək istəyir.

Komanda.az xarici KİV-ə istinadən xəbər verir ki, Almaniya klubu niderlandlı futbolçunu 80 milyon avroya almağa hazırlaşır. Oyunçu ilə 2027-ci ilə qədər müqavilə imzalanacaq. “Leyptsiq” zəmanətli ödəniş kimi Simons üçün 50 milyon avro verəcək, bonuslar hesabına bu məbləğ 80 milyon avroya qədər artırıla bilər.

21 yaşlı futbolçu bu mövsüm bütün yarışlarda 17 oyuna çıxıb, 5 qol vurub və 4 məhsuldar ötürmə edib.