Levandovski karyerasını Səudiyyə Ərəbistanında davam etdirəcək?

“Barselona”nın hücumçusu Robert Levandovski karyerasını Səudiyyə Ərəbistanı çempionatında davam etdirməsi ehtimalından danışıb.

Komanda.az “Polsat Sport”-a istinadən xəbər verir ki, polşalı futbolçu “Barselona”dakı hər şeydən razı olduğunu bildirib:

“Barselona”dakı hər şeydən razıyam, özümü əla hiss edirəm. İndi xoşbəxtəm və başqa variantları nəzərdən keçirmirəm”.

36 yaşlı forvardla “Əl-Hilal” və “Əl-Nəsr” klubları maraqlanır.

Levandovskinin kataloniyalılarla müqaviləsi 2026-cı ilin ortalarına qədərdir. Onun transfer dəyəri 15 milyon avro qiymətləndirilir. O, bu mövsüm bütün turnirlərdə 30 matçda iştirak edib, 29 qol vurub və 3 məhsuldar ötürmə verib.