3 top-klub izləyir – 19 yaşlı futbolçunu

“Bornmut”un müdafiəçisi Din Hoysen yeni kluba keçə bilər.

Komanda.az “TodoFichajes”-ə istinadən xəbər verir ki, ispaniyalı futbolçunun xidmətində “Real”, “Bayern” və “Yuventus” maraqlıdır.

Daha əvvəl “Barselona”nın Hoysenlə maraqlanması ilə bağlı məlumatlar yayılmışdı.

19 yaşlı müdafiəçi 2024-cü ilin yayından “Bornmut”da çıxış edir. O, İngiltərə klubuna “Yuventus”dan 15 milyon avroya keçib.

Hoysen “Bornmut”un heyətində bütün turnirlərdə 19 matçda iştirak edib, 2 məhsuldar ötürmə verib. Onun hazırkı klubu ilə müqaviləsi 2030-cu ilə qədərdir.