Kompanidən etiraf: “Rəqibimiz layiqli qələbə qazandı”

“Bayern” UEFA Çempionlar Liqasının 7-ci turunda səfərdə “Feyenoord”a 0:3 hesabı ilə məğlub olub.

Komanda.az xarici KİV-ə istinadən xəbər verir ki, münhenlilərin çalışdırıcısı Vensan Kompani bu nəticədən danışıb:

“Etiraf etmək istəyirəm ki, rəqibimiz layiqli qələbə qazandı. Çox mübarizə apardılar və çox qaçdılar. “Feyenoord” şanslarından yaxşı faydalandı. Biz də bir neçə qol vura bilərdik, amma şanslarımızı əldən verdik. Bu gün komandam qələbə üçün kifayət qədər iş görmədi”.

“Bayern” Çempionlar Liqasının 7 turundan sonra 12 xalla turnir cədvəlinin 15-ci pilləsində qərarlaşıb.