“Borussiya” müvəqqəti baş məşqçisinin adını açıqladı

Dortmund “Borussiya”sının müvəqqəti baş məşqçisi məlum olub. Daha əvvəl 36 yaşlı türk çalışdırıcı Nuri Şahinin komandanın baş məşqçisi vəzifəsindən uzaqlaşdırıldığı bildirilmişdi.

Komanda.az klubun mətbuat xidmətinə istinadən xəbər verir ki, baş məşqçi vəzifəsinə müvəqqəti olaraq 39 yaşlı Mayk Tullberq təyin olunub. Tullberq 2020-ci ildən “Borussiya”nın U-19 komandasında işləyir.

“Borussiya” 18 turdan sonra Almaniya çempionatında 25 xal toplayaraq, 10-cu pillədə qərarlaşıb.