Tanınmış jurnalist “Arsenal”ın çıxışını “axmaqlıq” adlandırdı

Tanınmış jurnalist Pirs Morqan İngiltərə Premyer Liqasında “Arsenal”la “Aston Villa” arasında keçirilən oyunun nəticəsinə (2:2) münasibət bildirib.

Komanda.az xəbər verir ki, o, sosial şəbəkə hesabındakı paylaşımında bunun əsl axmaqlıq olduğunu yazıb:

“Bu, əsl axmaqlıqdır. 2:0 qalib gəl və sonradan hər şeyi itir. “Arsenal” çempion olmaq istəmir? Mikel Arteta, çekini elə indi al və qızıl medalları “Liverpul”a təhvil ver”.

“Topçular” hazırda 44 xalla İngiltərə Premyer Liqasının turnir cədvəlində 2-ci pillədə qərarlaşıb. Ehtiyatda bir oyunu olan Arne Slotun yetirmələri isə 50 xal toplayıb və hazırda Premyer Liqaya başçılıq edir.