Levandovski: “Bu oyunu səbirsizliklə gözləyirəm”

“Barselona”nın hücumçusu Robert Levandovski İspaniya superkubokunun finalında “Real”a qarşı keçiriləcək oyundan gözləntilərini bölüşüb.

Komanda.az ESPN-ə istinadən xəbər verir ki, polşalı futbolçu bu oyunu səbirsizliklə gözlədiyini bildirib:

“Mən həqiqətən bu oyunu səbirsizliklə gözləyirəm. Düşünürəm ki, qarşıda bizi gözəl matç gözləyir. Ən yaxşı futbolumuzu nümayiş etdirəcəyik, çünki belə görüşlər həmişə xüsusi olur. “Super Bowl” qazanmaq istəyirəm. Bütün komanda bunu istəyir”.

36 yaşlı forvard bu mövsüm “Barselona”nın heyətində 26 oyun keçirib, 25 qol vurub və 2 məhsuldar ötürmə edib.

“Real” – “Barselona” matçının startı sabah saat 23:00-a planlaşdırılıb.