Spallettidən “Roma”ya məsləhət

İtaliya millisinin baş məşqçisi Luçano Spalletti “Roma”nın Paulo Dibalanı saxlamalı olduğuna inanır.

Komanda.az “Football Italia”-ya istinadən xəbər verir ki, italiyalı çalışdırıcı, Dibalanın yüksək səviyyəli oyunçu olduğunu bildirib:

“Hər kəs bilir ki, Dibala bütün komanda mexanizmini işə salan oyunçudur. Texnikası var, hamı ilə anlaşır və hər dəfə topu alanda öz keyfiyyətini göstərir. Həmişə məqsədə çatır. Onun fiziki gücü çatışmır, amma yenə də yüksək səviyyəli oyunçudur.

“Roma” Dibalanı satmalıdır? Mühakimə etmək mənim üçün çətindir. O, əla oyunçudur və qalibiyyət zehniyyətinə ehtiyacı olan komandanın belə oyunçuları öz heyətində saxlaması daha yaxşıdır”.

Argentinalı forvardın “Qalatasaray”a keçəcəyi ilə bağlı şayiələr var.