“Barselona” Levandovskiyə görə narahatdır

“Barselona” komandanın polşalı hücumçusu Robert Levandovskinin zəifləməsindən narahatdır.

Komanda.az xəbər verir ki, bu barədə “sport.es” məlumat yayıb.

Kataloniya klubunun rəhbərliyi 36 yaşlı forvarda güvənməkdə davam edir və onun oyununu yaxşılaşdıracağına inanır. Əks halda, tərəflər arasında gələcəklə bağlı fikir ayrılıqları yarana bilər.

Levandovski cari mövsümdə “Barselona”nın heyətində 24 matçda iştirak edib, 23 qol vurub və 2 məhsuldar ötürmə verib. Onun İspaniya klubu ilə müqaviləsi 2026-cı ilin yayında başa çatacaq.