Almanlar “Çelsi”nin istədiyi futbolçu üçün 70 milyon avro tələb edir

Dortmund “Borussiya”sının qapıçısı Qreqor Kobel “Çelsi”yə keçə bilər.

Komanda.az “Bild”-ə istinadən xəbər verir ki, Dortmund klubunun rəhbərliyi əsas oyunçularından biri ilə ayrılmaq istəmir, ona görə də, onun üçün 70 milyon avro istəyir. Onun qiymətinin “Çelsi”yə uyğun olub-olmayacağı bəlli deyil.

“Transfermarkt” portalı Kobelin dəyərini 40 milyon avro göstərir.

27 yaşlı qolkiper bu mövsüm Dortmund təmsilçisində bütün yarışlarda 19 oyun keçirib, 27 qol buraxıb. Futbolçunun klubla müqaviləsi 2028-ci ilin ortalarına qədərdir.