MY İspaniya klubunun müdafiəçisini istəyir

“Jirona” klubunun sol cinah müdafiəçisi Migel Gutyerrez karyerasını “Mançester Yunayted”də davam etdirə bilər.

Komanda.az xarici KİV-ə istinadən xəbər verir ki, “Mançester Yunayted” artıq 23 yaşlı ispaniyalı futbolçunun transferi üçün ilk addımları atmağa hazırdır və o, “qırmızı şeytanlar”ın sağ cinah müdafiəçisi mövqeyi üzrə namizədlər siyahısının başında yer alır. Bildirilir ki, İngiltərə klubunun baş məşqçisi Ruben Amorim artıq Gutyerrezi almağa razılıq verib.

Müdafiəçi bu mövsümdə bütün turnirlərdə 23 oyunda meydana çıxıb, 2 qol vurub və 3 məhsuldar ötürmə edib.