1-ci Liqada noyabrın ən yaxşı qolunun müəllifi mükafatlandırılıb

Azərbaycan 1-ci Liqasında noyabr ayının ən yaxşı qolunun müəllifi, “Karvan” klubunun üzvü Bəhruz Teymurov mükafatlandırılıb.

Komanda.az xəbər verir ki, bu barədə Peşəkar Futbol Liqasının mətbuat xidməti məlumat yayıb.

“Ayın qolu” layihəsi çərçivəsində noyabrın ən yaxşı qolunun müəllifinə mükafatı 10-cu turun “Karvan” – “Mingəçevir” oyunundan əvvəl Peşəkar Futbol Liqasının Media və marketinq direktoru Sənan Abdullayev təqdim edib.