“Arsenal”ın müdafiəçisi Şotlandiya klubuna keçə bilər

“Arsenal”ın müdafiəçisi Kiran Tirni karyerasını Şotlandiya çempionatında davam etdirə bilər.

Komanda.az xarici KİV-ə istinadən xəbər vefir ki, onun keçmiş klubu “Seltik” şotlandiyalı futbolçu ilə maraqlanır.

Komandanın baş məşqçisi Brendan Rocers Tirninin transferinin təşəbbüskarıdır. O, gələn yay müqaviləsi bitəcəyi üçün azad agent kimi “Seltik”ə qoşula bilər. “Topçular” 27 yaşlı oyunçuya yeni müqavilə təklif etməyi planlaşdırmır.

“Seltik” hazırda Şotlandiya çempionatında 1-ci yeri tutur. Rocersin komandasının 43 xalı var və 2-ci pillədə qərarlaşan “Reyncers”i 9 xal qabaqlayır.