“Biz “Barselona”dayıq, burada hər matçda qalib gəlmək lazımdır”

“Barselona”nın müdafiəçisi Erik Qarsiya “Leqanes”lə oyunda (0:1) məğlubiyyəti şərh edib.

Komanda.az “Barca Universal”-a istinadən xəbər verir ki, ispaniyalı futbolçu belə matçlarda psixaloji amilin çox önəmli olduğunu bildirib:

“Belə matçlarda psixoloji amil çox önəmlidir. Siz qol vura bilməyəndə əsəbiləşirsiz, rəqibləriniz getdikcə daha çox qələbəyə yaxınlaşır və vaxt itirməyə başlayır. Bu, pis bir dairədir. Biz bilirik ki, mövsüm irəlilədikcə həmişə yüksəlişlər və enişlər olur. Səhvlərdən dərs çıxarıb, onlardan faydalanmaq lazımdır. Gənc komandamız var, amma biz “Barselona”dayıq, burada hər matçda qalib gəlmək lazımdır”.

Hans-Diter Flikin komandası 38 xalla La Liqanın turnir cədvəlinə başçılıq edir.