“Ronaldonun DÇ-2030-da oynayacağına heç bir şübhəm yoxdur”

Portuqaliya millisinin və “Mançester Yunayted”in sabiq yarımmüdafiəçisi Luiş Nani Kriştiano Ronaldonun 2030-cu il dünya çempionatında oynamaq şanslarını dəyərləndirib.

Komanda.az “A Bola”-ya istinadən xəbər verir ki, portuqaliyalı sabiq futbolçu, Ronaldonun DÇ-2030-da oynayacağına heç bir şübhəsinin olmadığını bildirib:

“Ronaldonun oynayacağına heç bir şübhəm yoxdur. O, formada qalmaq üçün yeni pəhrizə gedəcək. Kriştiano orada olmalı və qol vurmalıdır”.

Ronaldo hazırda Səudiyyə Ərəbistanının “Əl-Nəsr” klubunda çıxış edir. 39 yaşlı hücumçunun klubla müqaviləsi 2025-ci ilin yayına qədərdir. O, cari mövsümdə Səudiyyə Ərəbistanı çempionatında 12 oyun keçirib, 10 qol vurub, 2 məhsuldar ötürmə edib.