“Araz-Naxçıvan”ın tarixində ilk

“Araz-Naxçıvan” tarixdə ilk dəfə Azərbaycan çempionatında turu birinci pillədə başa vurub.

Komanda.az PFL-ə istinadən xəbər verir ki, bu, Premyer Liqanın 16-cı turunda gerçəkləşib.

Naxçıvan təmsilçisi “Səbail” üzərində 2:0 hesablı qələbə ilə xallarının sayını 39-a çatdırıb. Bir xal geri qalan “Qarabağ”ın ehtiyatda bir oyunu qalsa da, Naxçıvan klubu turu zirvədə bitirib.

Bu, ölkə çempionatları tarixində ilk belə hadisədir. “Araz-Naxçıvan” bunadək heç vaxt turu 1-ci yerdə bitirməyib.

Naxçıvan klubu Premyer Liqada 4-cü mövsümünü keçirir. Daha bir dəfə isə komanda yarışı başa vurmayıb.